ٹی20 ورلڈکپ؛ بابر، رضوان نے اپنے ہتھیاروں کو تبدیل کرلیا

قومی ٹیم کے کپتان بابراعظم اور وکٹ کیپر بیٹر محمد رضوان نے ٹی20 ورلڈکپ2024 کے آغاز قبل اپنے ہتھیاروں کو تبدیل کرلیا۔انگلینڈ کیخلاف سیریز اور آئی سی سی ٹی20 ورلڈکپ کے آغاز سے قبل کپتان بابراعظم اور محمد رضوان سسیکس میں واقع بیٹ بنانے والی معروف کمپنی گرے نکلز کے فیکٹری گئے اور اپنی پسند کا بیٹ بنوایا۔دونوں کرکٹرز نے فیکٹری میں کئی گھنٹے گزارنے کے بعد اپنی ضرورت اور پسند کے مطابق بیٹ بنوائے۔ واضح رہے کہ قومی ٹیم 4 ٹی20 انٹرنیشنل میچز کی سیریز کیلئے انگلینڈ میں موجود ہیں، جہاں سیریز کا پہلا میچ 22 مئی جبکہ چوتھا اور آخری میچ 30 مئی کو شیڈول ہے۔ بعدازاں قومی ٹیم انگلینڈ سے براہ راست ٹی20 ورلڈکپ میں شرکت کیلئے امریکا روانہ ہوگی۔