نادرا سینٹرز پر شہریوں کو 30 منٹ سے زیادہ انتظار نہیں کرنا پڑے گا، وزیر داخلہ

سکھر: وزیر داخلہ محسن نقوی نے یقین دہانی کرائی ہے کہ نادرا دفاتر کے باہر گھنٹوں انتظار کرنے والے شہریوں کو جلد سہولت ملنے جارہی ہے۔ وزیر داخلہ نے یہ ہدایت سکھر میں پاسپورٹ آفس اور نادرا سینٹر کے دورے کے موقع پر کی۔ وفاقی وزيرداخلہ محسن نقوی نے سكھر ميں  پاسپورٹ آفس اور نادرا سينٹر كا بغير اطلاع اچانک دورہ كيا اور پاسپورٹ آفس کی 12 برس سے زير تعمير عمارت كو مكمل نہ كرنے پر برہمي كا اظہار كيا۔ اس موقع پر گفتگو كرتے ہوئے انہوں  نے كہا كہ سكھر شہر كے اندر اور روہڑی ميں  3 ماہ كے اندر 2 نئے نادرا دفاتر بنائے جائيں  گے، پاكستان بھر ميں  نادرا سينٹرز پر 30 منٹ سے زيادہ شہريوں  كو انتظار نہيں كرنا پڑے گا۔ محسن نقوی نے پاسپورٹ آفس سكھر كي كرائے کی خستہ حال عمارت، صفائی كے ناقص انتظام كے حوالے سے سيكريٹری داخلہ كو ٹاسک ديتے ہوئے كہا كہ پاسپورٹ آفس اس ابتر عمارت ميں  كسي طرح قابل قبول نہيں۔ بعد ازاں  وزيرداخلہ پاسپورٹ آفس سے سبزی منڈی كے قريب نادرا سينٹر پہنچے تو شہر سے دور قائم نادرا سينٹر ميں رش تھا، جہاں خواتين، بزرگ اور معذور شہری گھنٹوں سے اپني باری كے انتظار ميں  كھڑے تھے، چئيرمين ضلع كونسل و لارڈ ميئر سكھر سيد كميل حيدر شاہ نے نادرا دفاتر كے ليے سكھر شہر اور روہڑی ميں  اراضی دينے كا اعلان كيا جس پر محسن نقوی نے چئيرمين ضلع كونسل سكھر كا شكريہ ادا كيا اور كہا كہ سكھر شہر كے اندر اور روہڑی ميں  2 سے 3 ماہ كے اندر دفتر مكمل كرائے جائيں  گے۔