کراچی: دو روز سے لاپتہ خاتون اور دو بچوں سمیت 5 افراد کی لاشیں برآمد

کراچی: شہر کے دو مختلف علاقوں سے دو روز سے لاپتہ خاتون اور دو بچوں سمیت 5 افراد کی لاشیں برآمد ہوگئیں۔ پولیس نے بتایا کہ ماری پور گریس کے قریب سے برآمد ہونے والی تینوں لاشوں کی شناخت ہوگئی ہے، خاتون کی شناخت رقیہ، بچوں کی شناخت فاطمہ اور عدنان کے نام سے ہوئی ہے۔ پولیس کے مطابق خاتون اور دونوں بچےگزشتہ دو روز سے لاپتہ تھے اور اہل خانہ کی جانب سے تھانے میں تینوں کی گمشدگی کی درخواست بھی جمع کرائی گئی تھی۔ کراچی پولیس کا کہنا تھا کہ تینوں افراد کی لاشیں ماڑی پور کے نالے سے ملی ہیں تاہم مزید تفصیلات نہیں بتائی گئیں۔ دوسری جانب پولیس کے مطابق کراچی کے علاقے لیاری کی بہار کالونی میں جھاڑیوں سے دو افراد کی لاشیں ملی ہیں جن کی شناخت نہیں ہوسکی۔