پاکستان نے آج فتح-II میزائل سسٹم کی کامیاب مشق کا مظاہرہ کیا۔ آئی ایس پی آر کی جانب سے جاری بیان کے مطابق یہ میزائل مقامی طور پر تیار کیا گیا ہے اور جدید ایویانکس اور جدید ترین نیویگیشنل نظام سے لیس ہے۔بیان کے مطابق اس تربیتی مشق کا مقصد فوجی دستوں کی پیشہ ورانہ تربیت، مختلف تکنیکی پہلوؤں کی توثیق اور میزائل کے مختلف ذیلی نظاموں کی کارکردگی کا جائزہ لینا تھا، تاکہ درستگی میں مزید بہتری اور بقا کی صلاحیت کو یقینی بنایا جا سکے۔ مشق کا مشاہدہ اسٹریٹیجک پلانز ڈویژن، آرمی راکٹ فورس کمانڈ اور پاک فوج کے سینئر افسران نے کیا جب کہ اس موقع پر اسٹریٹیجک اداروں کے سائنسدان اور انجینئرز بھی موجود تھے۔ فورم نے فتح سیریز میزائل کے تحت تیار کردہ میزائل کی کامیاب مشق کو سراہا۔
