سیالکوٹ(سیدہ فرحت رضوی)
گجرات سے تعلق رکھنے والی معروف سماجی و سیاسی شخصیت چوہدری وسیم سجاد کو نیشنل پیس کونسل آف پاکستان پنجاب کا چیئرمین مقرر کیے جانے پر مبارکبادوں کا سلسلہ جاری ہے، مختلف سماجی، سیاسی اور عوامی حلقوں نے اس تقرری کو خوش آئند قرار دیا ہے۔
گجرات میں چوہدری وسیم سجاد کی بطور چیئرمین نیشنل پیس کونسل آف پاکستان پنجاب تقرری پر خوشی کی لہر دوڑ گئی۔ اس موقع پر ممتاز سماجی شخصیات حاجی ممتاز احمد گوندل، سید امیر الحسن اور رخسار گوندل نے دلی مبارکباد پیش کی۔
اسی طرح رکن قومی اسمبلی حلقہ این اے 88 و پارلیمانی سیکرٹری برائے کمیونیکیشن ملک گل اصغر خان بھگھور، تحصیل چیئرمین ملک گلداد خان بھگھور اور نیشنل پیس کونسل آف پاکستان کے مرکزی چیئرمین چوہدری غلام مصطفیٰ انصاری نے بھی چوہدری وسیم سجاد کو مبارکباد دیتے ہوئے نیک تمناؤں کا اظہار کیا۔
انہوں نے کہا کہ یہ تقرری امن، رواداری اور بھائی چارے کے فروغ میں اہم سنگ میل ثابت ہوگی اور چوہدری وسیم سجاد اپنی قائدانہ صلاحیتوں کو بروئے کار لاتے ہوئے نہ صرف گجرات بلکہ پورے پنجاب میں امن و استحکام کے قیام میں مؤثر کردار ادا کریں گے۔
آخر میں دعا کی گئی کہ اللہ تعالیٰ انہیں اس اہم ذمہ داری میں کامیابی عطا فرمائے اور وہ عوامی خدمت کا سفر مزید احسن انداز میں جاری رکھیں۔
